PatrolPH

Radio commentator na tumatakbo sa pagkakonsehal patay sa pamamaril sa Sultan Kudarat

ABS-CBN News

Posted at Jan 12 2022 04:23 PM

SULTAN KUDARAT — Patay ang isang radio commentator matapos pagbabarilin ng riding-in-tandem sa Tacurong City, Sultan Kudarat Miyerkoles ng umaga, sabi ni pulisya.

Nagtamo ng tama sa ulo si Jaynard Angeles, 35 anyos.

Ayon sa Tacurong City Police Station, nagpapaayos ng kaniyang van ang biktima sa isang auto repair shop sa Barangay New Carmen nang pagbabarilin ng dalawang hindi pa kilalang lalaki.

Narekober sa crime scene ang apat na empty shells.

Ayon sa National Union of Journalists of the Philippines, nagtatrabaho si Angeles bilang radio commentator sa Radyo ni Juan Tacurong.

Napag-alamang naghain din ng certificate of candidacy sa pagkakonsehal sa bayan ng Lambayong, Sultan Kudarat ang biktima.

Inaalam pa ng mga awtoridad ang motibo sa krimen.

KAUGNAY NA ULAT

Watch more on iWantTFC

— Ulat ni Chat Ansagay

Bisitahin ang Patrol.PH para sa iba pang mga balita.