Quiapo Church sinagot ang batikos sa pagdagsa ng tao sa Traslacion sa gitna ng pandemya

MAYNILA - Naging matagumpay ang selebrasyon ng kakaibang Traslacion 2021 nitong Sabado.

Ayon kay Manila Mayor Francisco "Isko Moreno" Domagoso, sa kabuuan ay nairaos ang pagdiriwang ng payapa at ligtas.

Binigyang pugay niya ang mga deboto na sumunod sa mga patakaran lalo na mga health protocol. 

Hinimatay ang isang deboto sa Quezon Blvd sa Quiapo, Maynila. Dinala siya ng mga pulis sa gilid ng daan at dumating rin ang medical team. pic.twitter.com/LIBy67m3uy

— Jekki Pascual (@jekkipascual) January 9, 2021

Pero marami pa rin sa social media ang bumatikos kung bakit daw tinuloy pa rin ang Traslacion sa gitna ng pandemya. May mga nagsasabing mass gathering pa rin ang nangyari at dapat naging online na lang muna lahat. 

Sa huling misa ng Traslacion kagabi, sinabi ng rector ng Quiapo Church na si Msgr. Hernando Coronel na hindi talaga maiiwasan ang mga tao na pumunta mismo sa simbahan.

Aniya, ang mga deboto ay mas lumalapit sa Diyos lalo na ngayong panahon na marami ang problema.

• Faith, Feast of Black Nazarene draw multitudes despite pandemic

Aminado si Coronel na matindi rin ang panganib ng COVID-19, kaya rin nila kinansela ang prusisyon at iba pang tradisyon, gaya ng paghawak sa lubid, Dungaw at bawal rin ang magdala ng mga replica ng Nazareno sa Quiapo para maiwasan ang pagdumog sa mga ito.

Marami aniya silang hakbang para masiguro ang kaligtasan ng mga tao, kaya naisipan nilang misa lang ang gagawin at wala ng iba. 

Pero nagulat rin aniya siya sa pagpunta ng maraming tao. Una na kasi niyang sinabi na 'wag nang pumunta ang mga tao sa simbahan at makinig na lang sa online mass.

• Higit 400K dumalo sa magdamagang Pista ng Itim na Nazareno, ayon kay Isko

Pero gayunpaman, nagpasalamat siya sa debosyon ng mga tao. Ipinapasa-Diyos na lang niya na maging ligtas ang lahat at hindi magkasakit. 

Nagpapaalala rin ang DOH sa lahat ng mga pumunta sa Traslacion na obserbahan ang sarili kung magkaroon ng mga sintomas gaya ng lagnat, ubo, sipon, pagkawala ng panlasa at pang-amoy.

Kung sakaling makaranas, agad itawag sa Barangay Health Center o sa doctor.

• PH logs nearly 2,000 COVID-19 cases, highest in 3 weeks
• DOH flags crowding at Nazareno feast; organizers say devotees disciplined

RELATED VIDEO