1,700 pasahero ng MRT pinababa dahil sa magkasunod na aberya

ABS-CBN News

Posted at Jan 09 2018 02:35 PM

MANILA - Pinababa nang wala sa oras ang nasa 1,700 na pasahero sa Shaw Boulevard station ng MRT-3 dahil sa magkasunod na aberya ngayong Martes. 

Alas-8:19 ng umaga nagkaroon ng "train failure" ang isang southbound na tren, dahilan para i-unload ang nasa 900 pasahero, ayon sa abiso ng Department of Transportation. 

Nagkakaroon anila ng train failure kapag sinasandalan o puwersahang binubuksan ang pinto ng mga tren. 

Pinababa naman ang nasa 820 pasahero ng isang northbound train alas-10 ng umaga dahil naman sa problema sa automatic train protection system, ayon sa DOTr. 
 
Mula nitong Bagong Taon, 6 sa 9 araw nakapagtala ng "technical problem" sa MRT na may halos kalahating milyong pasahero araw-araw, ayon sa website ng ahensya. 

May ulat ni Zhander Cayabyab, ABS-CBN News 
 

Bisitahin ang Patrol.PH para sa iba pang mga balita.