Magkapatid patay sa sunog sa QC

ABS-CBN News

Posted at Jan 08 2021 07:42 AM | Updated as of Jan 08 2021 11:02 AM

Anjo Bagaoisan, ABS-CBN News

MAYNILA (2nd UPDATE) - Patay ang magkapatid nang ma-trap sa nasunog na bahay sa Matahimik St., Barangay Malaya, Quezon City Biyernes ng umaga.

Kinilala ng mga awtoridad ang mga biktima na sina Mariah Maxine Lee, 24 anyos, at Isabel Francesca Lee, 10 anyos.

Ayon sa Bureau of Fire Protection (BFP), sumiklab ang sunog bago mag-alas-6 ng umaga at umabot sa unang alarma. Naapula ito matapos ang nasa kalahating oras.

Nagmula ang sunog sa mini bar sa ilalim ng hagdanan na ginawang storage area, dagdag ng BFP.

Hindi na nakababa ang magkapatid na nasa kuwarto sa mezzanine ng bahay nang mangyari ang insidente. 

Nakaligtas naman ang 66 anyos na ama at lalaking kapatid ng mga biktima. 

RELATED VIDEO

Mula kay Walter Gervasio at Aiza Sauza

- Ulat ni Anjo Bagaoisan, ABS-CBN News

Bisitahin ang Patrol.PH para sa iba pang mga balita.