16 sugatan sa sunog sa Tondo

MAYNILA (2nd UPDATE) - Sugatan ang 16 katao matapos sumiklab ang sunog sa isang gusali sa harap ng simbahan sa Tondo, Maynila nitong Martes ng umaga.

Idineklarang under control ang sunog alas-9:17 ng umaga matapos itong maiakyat sa ikalimang alarma, dahilan para tumugon ang mga bombero mula sa buong Manila Fire District. 

Kabilang sa sugatan ang may-ari ng gusali na si Perfecto Tiu. Nagising umano siya sa usok na pumasok sa kaniyang kuwarto sa ikalawang palapag. 

Building owner Perfecto Tiu was awakened by the smoke in his room om the 2nd floor. His left hand was burnt as he escaped.

He said the flames came from the 3rd floor of the 60 y/o building pic.twitter.com/TXYzrCKiB7

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) January 7, 2020

Natagalan ang mga bombero sa pag-apula ng apoy dahil madilim sa loob gawa ng kawalan ng emergency lights at marami ring nakakandadong pinto, ayon kay Fire Sr. Insp. John Joseph Jalique, chief of intelligence and investigation section ng Manila Fire District.

Lalo umano silang nahirapan sa pagbagsak ng mga nalulusaw na piraso ng tela at plastic pagdating sa ikatlong palapag na may umuupang pabrika ng mga tela. 

Also wounded was Jun-Jun Fernol, who was alone at the 4th floor of the building when the fire started. He said he reached safety by sliding down a tube since most exits were already blocked pic.twitter.com/PsoCmKWKxO

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) January 7, 2020

Sa pauna nilang imbestigasyon, dito posibleng nag mula ang apoy matapos makarinig ang isang tenant ng pumuputok sa itaas na bahagi ng palapag na kalapit ng imbakan ng tela. 

Nasa P3 milyon ang tinatayang halaga ng natupok, ayon sa Bureau of Fire Protection. 

Iimbestigahan pa ang sanhi ng sunog at kung may mga naging paglabag ang pabrika ng tela at gusali sa Fire Code of the Philippines. -- May ulat ni Jekki Pascual, ABS-CBN News