Pagpapalawig sa effectivity ng 2020 budget, Bayanihan 2, pirmado na ni Duterte

Joyce Balancio, ABS-CBN News

Posted at Jan 05 2021 09:12 PM

MAYNILA — Extended na hanggang ngayong taon ang effectivity ng 2020 national budget at ang Bayanihan to Recover as One Act o Bayanihan 2. 

Ito ay matapos pirmahan ni Pangulong Rodrigo Duterte ngayong Martes ang Republic Act No. 11520 na nagbibigay daan para magamit pa rin ang 2020 national budget hanggang Dec. 31, 2021. 

Nai-transmit na ang mga kopya nito kina Senate President Vicente Sotto III at House Speaker Lord Allan Velasco, ayon sa dokumento na inilabas ni Executive Sec. Salvador Medialdea. 

Sa ilalim naman ng Republic Act No. 11519, hanggang June 30, 2021 epetikbo ang Bayanihan 2. 

Matatandaang sinertipikahan ng Pangulo ang dalawang batas bilang urgent measures. 

Aniya, mahalaga ito para tuloy-tuloy lang ang pagpapatupad ng mga programa at proyekto ng gobyerno sa pagtugon sa COVID-19 pandemic, at para makabangon agad ang ekonomiya ng bansa. 

PANOORIN ANG KAUGNAY NA BALITA: 

Watch more in iWantTFC
Bisitahin ang Patrol.PH para sa iba pang mga balita.