ILOILO CITY – Dalawa ang sugatan sa pag-araro ng isang 6-wheeler truck sa hilera ng mga karinderya at tindahan ng niyog sa Balabago, Jaro, Biyernes ng umaga.

Ayon sa inisyal na imbestigasyon ng pulisya, nawalan umano ng preno ang trak. 

Pahayag ng driver nito, hindi na niya nakontrol pa ang manibela kaya tumuloy-tuloy sa puwesto ng isang karinderya at tindahan ng niyog.

Nagtamo ng bahagyang sugat sa kamay ang driver, habang isinugod naman sa ospital ang anak ng may-ari ng karinderya matapos mahagip sa binti.