Mga Aeta nagpamasko ng 10,000 kilong kamote sa 5,000 pamilya sa Maynila

MAYNILA - Hindi lang ninong at ninang ang namimigay ng regalo ngayong Pasko. 

Sa Tondo, Maynila, nag-ala Santa Claus ang grupo ng mga Aeta mula Capas, Tarlac matapos mamigay ng 10,000 kilong kamote. 

Mga Aeta sa Capas, Tarlac, namigay ng 10,000 kilong kamote sa Baseco, Maynila bilang bahagi ng kanilang gift-giving mission ngayong kapaskuhan. pic.twitter.com/JFjmFnccxp

— Michael Joe Delizo (@michael_delizo) December 20, 2019

Mismong ang mga Aeta ang namahagi ng mga kamote sa 5,000 residenteng naninirahan sa Baseco compound. 

Tumulong din ang Philippine Air Force, Philippine National Police, at Cooperative Development Authority sa mga aktibidad ng mga Aeta. 

Ayon sa organizer na si Roberto Rosales, plano ng mga Aeta na gawin ang tradisyon sa buong Metro Manila sa susunod na Pasko. 

-- May ulat ni Michael Joe Delizo, ABS-CBN News