Tag-lamig may kinalaman sa pagkakaroon ng rayuma?

ABS-CBN News

Posted at Dec 19 2019 06:27 PM

Watch more in iWant or TFC.tv

MAYNILA - Kadalasan umanong inuugnay ng ilan ang pagkakaroon ng arthritis o rayuma sa malamig na panahon.

Pero paalala ng rheumatologist na si Shiela Reyes na hindi lahat ng uri ng arthritis ay nakukuha sa tag-lamig.

"Hindi consistent yung ganito. 'Di porket malamig eh magkakaroon ka na ng rayuma. Ito ay more of yung pakiramdam, nararamdaman din ng pasyenteng may rayuma," ani Reyes sa programang "Good Vibes."

Halimbawa rito ang pagkakaroon ng osteoarthritis, na karaniwang nakukuha ng mga may edad na.

Kasama sa sanhi ng osteoarthritis sa sobrang paggamit ng kasukasuan at pagbibigat ng timbang.

Namamana rin ang arthritis, ayon kay Reyes.

Mahigit 100 klase ng arthritis ang posibleng makuha kaya payo ng doktor na agad magpatingin kung may nararamdamang masakit sa bandang kasu-kasuan.

Dito rin daw aniya malalaman kung ano ang tamang gamot.

Bisitahin ang Patrol.PH para sa iba pang mga balita.