PatrolPH

Ruffa at Gelli, nagharap sa isang cook-off

ABS-CBN News

Posted at Oct 25 2021 02:35 PM

MAYNILA -- Naging masaya ang paghaharap nina Ruffa Gutierrez at Gelli de Belen bilang magkatunggali sa pagluluto ng pansit.

Naganap ang cooking showdown ng dalawa sa "Magandang Buhay" nitong Lunes kung saan binigyan sila ng 20 minuto para magpagalingan sa pagluluto ng isa sa mga paboritong pagkain ng mga Pinoy.

Watch more on iWantTFC
Watch more on iWantTFC

Ang kapatid ni Gelli na si Janice de Belen na guest host sa pang-umagang programa ng ABS-CBN ang naging hurado. 

Sa huli, si Gutierrez ang nagwagi sa nasabing cook-off. Isang sandok at sangkalan naman ang natanggap ng aktres bilang premyo. 

"Para sa akin, seriously para na siyang Oscar award dahil first time ko magluto, hindi naman talaga ako nagluluto," nakakatuwang hirit ni Ruffa matapos magwagi.

Watch more on iWantTFC

Sina Ruffa at Janice ay mapapanood sa ReIna ng Tahanan ng "It's Showtime," samantalang si Gelli ay aabangan naman sa seryeng "2 Good 2 Be True" na pagbibidahan nina Kathryn Bernardo at Daniel Padilla.

Bisitahin ang Patrol.PH para sa iba pang mga balita.