PatrolPH

Lolang hirap lumakad, binuhat ng pulis para makapagpabakuna

ABS-CBN News

Posted at Aug 23 2021 06:56 PM

 

Hinangaan ni Bayan Patroller Dizza Mae Figura ang ginawang kabutihan ni Patrolman Joue Hornada Pajenado sa 66 anyos na lola na si Marieta Suan, sa isang vaccination site sa Arakan, Cotabato noong Agosto 17.

Ayon kay Figura, na isang nurse na nasa vaccination site, nakatataba ng puso na makita ang katulad niyang frontliner na buong puso ang pagtulong sa mga nangangailangan. 

Kwento naman ni Pajenado, “Hindi po kasi ako makatiis na may isang nanay na nahihirapan at pumunta para magpa-vaccine ... binuhat ko na lang para po maasikaso po siya.”

Sa panayam ng Bayan Mo, i-Patrol Mo kay Lola Marieta, labis ang pasasalamat niya sa pulis na tumulong sa kanya. 

Aniya, hirap na kasi talaga siyang lumakad dahil iniinda niya ang kanyang kaliwang paa. 

“Okay po silang mag-alaga ...nagpapasalamat po ako.”

—Ulat ni Cielo Gonzales, Bayan Mo, i-Patrol Mo

Bisitahin ang Patrol.PH para sa iba pang mga balita.