PatrolPH

TINGNAN: Alay na artwork para sa pagsungkit ng ginto ni Hidilyn Diaz sa Olympics

ABS-CBN News

Posted at Jul 27 2021 05:35 PM | Updated as of Aug 18 2021 05:28 PM

TINGNAN: Alay na artwork para sa pagsungkit ng ginto ni Hidilyn Diaz sa Olympics 1
Philippines' Hidilyn Diaz reacts after placing first in the women's 55kg weightlifting competition during the Tokyo 2020 Olympic Games at the Tokyo International Forum in Tokyo on July 26, 2021. Vincenzo Pinto, AFP.

MAYNILA (3rd UPDATE) — Kanya-kanyang paraan ang mga local artists sa pagbibigay pugay kay Hidilyn Diaz, ang kauna-unahang Pinoy na nakasungkit ng ginto sa Olympics.

Wagi ang weightlifter sa women’s 55kg division at nakapagtala ng Olympic record sa pinagsamang nabuhat na 224kg. 

TINGNAN: Alay na artwork para sa pagsungkit ng ginto ni Hidilyn Diaz sa Olympics 2
Larawan mula kay Mary Mae Dacanay.

Alay ng artist mula sa Biñan, Laguna na si Mary Mae Dacanay ang leaf art sa pagkapanalo ng atleta. 

“Naisipan ko po siyang gawan dahil nasungkit niya ang first Olympic gold ng Pilipinas. Proud ang mga Pilipino sa’yo. Congratulations, Philippine pride Hidilyn Diaz,” aniya.

TINGNAN: Alay na artwork para sa pagsungkit ng ginto ni Hidilyn Diaz sa Olympics 3
Inspirasyon naman ng Palawan artist na si Joseph Emmanuel Comedian sa kanyang digital art ang makasaysayang eksena kung kailan nakamit ni Diaz ang tagumpay. Larawan mula kay Joseph Emmanuel Comedian.

Inspirasyon naman ng Palawan artist na si Joseph Emmanuel Comedian sa kanyang digital art ang makasaysayang eksena kung saan nakamit ni Diaz ang tagumpay.

Aniya, nakakataas ng morale para sa mga Pilipino ang nakamit ng atleta.

“This is history, first Olympic gold for the Philippines... ‘Yung mga ganitong pagkakataon kasi ang nagpapataas ng morale nating mga Pilipino,” aniya. 

“Pero sana, hindi lang tuwing may nanalo o kaya ay may nare-recognize internationally tayo nagiging proud. Sana proud tayong maging Pilipino sa bawat oras at minuto na nabubuhay tayo.”

TINGNAN: Alay na artwork para sa pagsungkit ng ginto ni Hidilyn Diaz sa Olympics 4
Larawan mula kay Jaypee Magno.

Gamit ang tinapay, chocolate spread at toothpick, iginuhit naman ni Jaypee Magno mula sa Badiangan, Iloilo ang mukha ni Diaz at logo ng Olympics.

Aniya, bakas sa mukha ng atleta ang saya nang mapagtagumpayan ang pinakahuling bahagi ng patimpalak. 

“Ginawan ko po si Ms. Hidilyn Diaz ng food art bilang isang tribute sa kanyang pagsisikap. Nakita din po natin na naging emotional siya after ng lift niya. Isa po siyang inspirasyon,” aniya. 
 

 

Hango rin sa reaksyon ni Diaz sa gitna ng kanyang tagumpay ang stencil syrup art ni Patricia Joy Gomez Tubig mula sa Cangatba, Porac, Pampanga. 

 

Isang thread art naman ang ginawa ni Jean Govinda mula sa Vizkaya Zen, Minglanilla, Cebu, bilang pagpupugay sa atleta.

“Ang mahirap ang paggawa ng project plan… Gawa po ako ng sample into charcoal, kailangan ko kasi makuha ang tonal values ng mukha, para malaman ko kung ilang hibla ng sinulid ang ipapatong ko sa bawat parte ng mukha," aniya.

"Saka ko s'ya kokopyahin sa canvas na may nails para kabitan ng tali. Saludo sa kanyang panalo sa Olympics… Karangalan na ibinigay n'ya sa buong Pinas.”

 

Gamit naman ang kape at creamer, iginuhit ni Mark Noel Daras mula sa Tarangnan, Samar ang ‘winning look’ ng atleta.

“Hanga kami sa galing at lakas na ipinakita mo, binuhat mo rin ang pangarap ng mga Pilipino na makakuha ng ginto. We are so proud of you. Mabuhay!” aniya.

 

Iginuhit naman ni Dhino Rallos, mula sa Hilongos, Leyte, ang larawan ni Diaz na tila nananalangin at nagpapasalamat noong masungkit niya ang gold medal sa patimpalak.

“Ginawa ko lang naman siya parang pasasalamat sa kanya… pasasalamat sa kanyang na-achieve … kasi making history in the Philippines, nakakuha rin ng gold,” aniya. 

 

Isang crochet doll naman ang regalo ng 10 anyos na si Francesca Isabel Dorotan ng Pasig City para sa atleta.

Proud ang Mommy niya na si Bayan Patroller Lorraine Dorotan sa bagong tuklas na talento ng anak.

Sa loob ng halos pitong buwan, nakagawa na si Francesca ng mga gamit at laruan sa pamamagitan ng crochet. Nakakapagpa-relax kasi ito pagkatapos ng online class.

Isa sa mga bago niyang ginawa ay ang crochet doll ni Hidilyn Diaz. 

“Thank you po Ate Hidilyn sa lahat ng ginawa mo sa Philippines sa Tokyo Olympics.”

Aniya, naibigay na nila ang crochet doll sa isang kaibigan ni Hidilyn na siyang mag-aabot ng personal sa atleta.

— Ulat nina Cielo Gonzales at Sarah Sales, Bayan Mo, I-Patrol Mo

KAUGNAY NA ULAT:

Watch more on iWantTFC
Bisitahin ang Patrol.PH para sa iba pang mga balita.