PatrolPH

ALAMIN: Kailan nagiging kritikal ang dengue?

ABS-CBN News

Posted at Jun 15 2019 05:58 PM

Watch more on iWantTFC

MAYNILA — Usong karamdaman tuwing tag-ulan ang dengue na nag-uugat sa kagat ng lamok na may dala ng naturang sakit. 

Kapag may dengue ay nilalagnat, sumasakit ang katawan, at nawawalan ng ganang kumain ang isang pasyente.

Pero kapag napabayaan, nagdudulot umano ito ng iba't ibang komplikasyon na maaaring ikamatay ng may dengue. 

Ayon sa epidemiologist na si Dr. Karl Henson, lumilitaw ang critical signs ng dengue kapag pawala na ang lagnat ng pasyente. 

Paliwanag niya, dito na nagsisimulang mabawasan ang platelet count sa dugo ng pasyente, na maaaring magdulot ng ibang komplikasyon. 

Dito na rin nababawasan ang lebel ng tubig sa katawan ng pasyente, dagdag ni Henson. 

"[When] the patient starts to feel better doon actually 'yung critical stage kasi pag nawala 'yung fever doon na mararamdaman na nababawasan ang platelet count, mag-seep out 'yung water from the vessels," aniya sa "Good Vibes" ng DZMM. 

Maaari rin umanong lumapot ang dugo ng pasyenteng gumagaling na. 

Dahil dito, ipinapayo ni Henson na dapat maging maayos ang pagpapainom ng tubig at pagpapasuwero sa may dengue para maging sapat ang tubig sa kaniyang katawan. 

Bisitahin ang Patrol.PH para sa iba pang mga balita.