RECIPE: Relyenong pusit

ABS-CBN News

Posted at Feb 19 2020 12:15 PM

Watch more in iWant or TFC.tv

Naghahanap ng masustansiyang pagkain na lulutuin sa susunod na handaan?

Maaari kang maghain ng relyenong pusit, na taglay ang iba't ibang lasa dala ng samu't saring sangkap na isinisiksik dito.

Bumisita sa programang "Umagang Kay Ganda" ngayong Miyerkoles ang Guest Kusinera na si Get Hao para ibahagi kung paano magluto ng relyenong pusit.

Narito ang mga sangkap
• 1 kilong pusit
• 1/2 kilong giniling na baboy or manok
• 1/2 cup ham
• 6 pcs. Bawang
• 3 sibuyas
• 1 tasa carrots
• 1/2 tasa bell pepper
• 3 kalamansi
• 3 kutsara toyo
• 2 kutsara asukal puti
• 1 1/2 tasa tomato sauce
• 1/2 tasa all-purpose cream
• 1/2 tasa liver spread
• Asin
• Paminta
• Mantika

Hugasan ang pusit hiwalay ang ulo, tanggalin ang mata, ngipin at laman-loob

Ibabad ang pusit sa toyo, kalamansi, paminta at asukal. Itabi.

Hiwain nang maliliit ang ulo ng pusit

Igisa sa mantika ang bawang, sibuyas at giniling. Timplahan ng asin at paminta na naaayon sa inyong panlasa.

Kapag luto na isunod ang hiniwang ulo ng pusit, takpan

Ilagay ang carrot, bell pepper, liver spread at ham.

Lutuing mabuti at palamigin.

Ipalaman sa pusit ang nilutong giniling at isara ang pusit gamit ang toothpick

Igisa sa mantika ang sibuyas, natirang giniling at pusit na may palaman. Takpan sandali.

Isunod ang paglagay ng tomato sauce at all-purpose cream.

Hayaang maluto sa mahinang apoy.

Tikman at timplahan ng asin, paminta at asukal. Ihain.

Bisitahin ang Patrol.PH para sa iba pang mga balita.