ALAMIN: Ano ang 'silent heart attack'

MAYNILA - Maaaring makaranas ng heart attack nang hindi nararamdaman ang sintomas nito, ayon sa isang doktor.

Ayon kay Nemy Nicodemus, isang endocrinologist, tinatawag itong "silent heart attack" na karaniwang nakikita sa mga diabetic.

Kaakibat ito ng pagkakaroon ng neuropathy - isang sintomas ng diabetes - kung saan namamanhid ang mga ugat ng isang pasyente.

• People don't recognize heart attacks when symptoms come on slowly

"Kasi may mga taong namamanhid ang kanilang nerves, hindi nila alam na 'yun palang puso nila sumasakit na," ani Nicodemus sa programang "Good Vibes" ng radyo DZMM.

"Hindi nila nararamdaman na sumisikip na iyong dibdib pero inaatake na ang kanilang puso. Iyon ang delikado," ani Nicodemus.

Nasa 80 porsiyentong taong may diabetes umano ang namamatay sa heart attack o stroke, ayon kay Nicodemus.

• Pagkakaroon ng diabetes, nagdudulot ba ng sakit sa puso?

Kaya payo niya, magpanatili ng magandang diet at piliing maigi ang kinakain.

• ALAMIN: Paano iiwasan ang mga komplikasyon ng diabetes?