PatrolPH

'It's a boy' para sa 1st baby nina YouTube stars Cong TV, Viy Cortez

ABS-CBN News

Posted at Feb 06 2022 02:00 PM | Updated as of Feb 06 2022 10:11 PM

Screenshot mula sa YouTube channel ni Viy Cortez.
Screenshot mula sa YouTube channel ni Viy Cortez.

MAYNILA — Lalaki ang magiging unang anak nina YouTube stars Viy Cortez at Lincoln Velasquez o mas kilala bilang Cong TV.

Sa vlog ng magkasintahan nitong Sabado, nabunyag ang magiging kasarian ng kanilang anak sa pamamagitan ng usok na ipinalabas mula sa sang helicopter.

Watch more News on iWantTFC

Hindi mapigilan ni CongTV ang tuwa nang makita ang kulay blue na usok, kaya napatakbo siya sa saya. "Nawala na ako sa sarili. Team boy talaga ako eh," aniya.

Masaya si Cortez sa naging "gender reveal" nila at magkakaroon na ng lalaki sa kanilang pamilya.

"Hindi ko alam. Kaya ako naiyak kasi inaasahan ko talaga, boy. Ina-attract ko talaga boy kasi puro kami girl sa bahay," aniya.

Sa vlog ni Cortez, nagbigay ang kanilang mga magulang ng mensahe at payo sa kanilang tatahaking buhay bilang bagong ina at ama. 

Watch more News on iWantTFC

Nitong Disyembre, emosyonal na binalita ni Cortez na siya ay buntis at may pangamba matapos makaranas ng miscarriage noon. 

Kilala sina Cortez and Cong TV bilang mga sikat na content creators sa Pilipinas na may lampas 5 milyon at 9 milyon na subscribers sa YouTube, sa kani-kaniyang channel.

Bisitahin ang Patrol.PH para sa iba pang mga balita.