Steven Seagal, nag-taping sa Vigan

ABS-CBN News

Posted at Nov 30 2017 12:42 AM

Watch more in iWant or TFC.tv

Bumisita ang batikang dayuhang aktor na si Steven Seagal sa makasaysayang Calle Crisologo sa Vigan.

Doon ang taping para sa television series niyang "General Commander". 

Kasama ng aktor ang misis niyang si Elle Seagal, director-producer na si Philippe Martinez, at co-producer na si Chavit Singson.

Ayon sa aktor, ilang beses na siyang nagpabalik-balik sa Pilipinas.

Napamahal na nga rin sa kaniya ang bansa.

"Salamat po!" Pasampol pa ni Seagal sa kaniyang pagsasalita ng wikang Filipino.

Ayon kay Singson, Pilipino ang malaking bahagi ng crew na bumubuo sa serye ni Seagal.

Maisusulong din ang turismo sa Pilipinas dahil sa serye ni Seagal.

Humanga rin sina Seagal at Martinez sa husay ng mga Pinoy na kasama nila sa mga shoot.

"They work very well, the one thing I like about Filipino crew, once we explain what we like to do it's done!" ani Martinez. 

Inaasahang tatagal ng siyam na buwan ang shoot ng serye.

Importanteng bahagi ang Pilipinas sa seryeng tatalakay sa organ at drug trafficking gayundin sa terorismo.

Tampok din ang misis ni Seagal sa serye na gaganap na asawa ng crime fighter na karakter ng aktor.

Nakatakda ring mag-taping ang "General Commander' sa Marawi.

Ipalalabas sa ABS-CBN ang 12 episodes ng serye bago ipalabas sa mahigit 35 iba pang bansa. 

-- Ulat ni Mario Dumaual, ABS-CBN News
 

Bisitahin ang Patrol.PH para sa iba pang mga balita.