Rocco Nacino, Melissa Gohing engaged na

ABS-CBN News

Posted at Nov 22 2020 12:15 PM | Updated as of Nov 22 2020 08:10 PM

MAYNILA — Engaged na ang aktor na si Rocco Nacino at volleyball player na si Melissa Gohing, inanunsiyo ng dalawa sa kani-kanilang mga social media page.

Nag-post sina Nacino at Gohing sa kanilang Instagram account ng mga retrato nila sa gitna ng isang clearing na napapalibutan ng mga bulaklak.

Naka-pink suit ang 33 anyos na aktor, habang white dress naman ang suot ng 29 anyos na atleta, na dating naglaro para sa De La salle University Lady Spikers.

 
 
 
 
 
 
 
 
 
 
 
 
 
 
 

A post shared by Rocco Nacino (@nacinorocco)

"And she said yes," sabi ni Nacino sa caption ng kaniyang post.

Sa kaniya namang caption, sinabi ni Gohing na ang pag-Oo kay Nacino ang "easiest yes" na binitawan niya sa buong buhay niya.

"My mom taught me that love is a choice and that I should choose a husband that I can get through the highest of highs and lowest of lows," ani Gohing.

"To my future husband, I will still choose you over and over again even in the darkest of times because you showed me the stars," dagdag ni Gohing, na tinutukoy si Nacino.

Higit 3 taon nang magkarelasyon sina Nacino at Gohing.

Bisitahin ang Patrol.PH para sa iba pang mga balita.