PatrolPH

‘Squid Game’ look ni Darren Espanto aprubado ni Wi Ha-joon

ABS-CBN News

Posted at Nov 03 2021 03:11 PM | Updated as of Nov 03 2021 04:35 PM

Mula sa Instagram ni Darren Espanto
Mula sa Instagram ni Darren Espanto

“Nasaan ‘yung difference?”

Ganito ang naging reaksyon ng maraming kaibigan at tagahanga ng performer na si Darren Espanto nang gayahin nito ang isang karakter sa pinag-usapang Korean thriller na “Squid Game.”

Napili ni Espanto na mag-ala Officer Hwang Jun-Ho na ginampanan ng Korean actor na si Wi Ha-joon para sa trending series sa Netflix. 

Kinagiliwan ng mga netizens ang itsura ng singer dahil kuhang-kuha nito ang suot ng karakter bukod pa sa pagkakahawig mismo sa aktor. 

“May nanalo na,” komento ng aktres na si Kira Balinger habang napa-”OMG” naman ang OPM icon na si Gary Valenciano sa larawan ni Espanto.

“Gayang gaya?!!! HAHAHAHA” saad naman ng YouTube star Niana Guerrero. 

Ngunit higit na ikinasaya ni Espanto nang i-like mismo ni Wi Ha-joon ang kaniyang retrato na inilabas niya pa sa kaniyang Twitter account.

“NO WAAAAY Wi Ha-Joon liked my post!!!” pahayag nito sa social media. 

Patok na patok sa maraming Pinoy ang “Squid Game” outfits at theme parties nitong Halloween kung saan maging sina Angel Locsin ay gumawa ng sariling bersyon nito sa kanilang tahanan kasama ang mga kaibigan.

Bukod kay Espanto, kasama rin niyang nag-ala “Squid Game” character ang host at kaibigan na si Robi Domingo.

Bisitahin ang Patrol.PH para sa iba pang mga balita.