Karla Estrada, nagpasalamat sa suporta ni Kathryn para sa concert ni Daniel

ABS-CBN News

Posted at Oct 14 2020 11:24 AM

MANILA -- Nagpahatid ng kanyang pasasalamat ang aktres at host na si Karla Estrada kay Kathryn Bernardo para sa suportang ibinigay nito kay Daniel Padila.

Sa Instagram nitong Martes ng gabi, kinilala ni Karla ang suporta ni Kathryn sa matagumpay na concert ng anak na si Daniel na "Apollo: A Daniel Padilla Digital Experience" noong Linggo, Oktubre 11.
 
Nagpasalamat din si Karla sa isa pa niyang anak na si Jose Carlito o JC at kay Ian Veneracion na naging guest sa unang digital concert ni Daniel.

Sa nakaraang pahayag ni Karla sa "Magandang Buhay," nagpasalamat rin siya na sa gitna ng pandemya ay nagagawa pa rin ng anak na magbigay saya.

"Alam mo, deserve kasi talaga ni DJ. Ang dami pa niyang hindi nagagawa. At least sa gitna ng pandemya ay nagagawa pa rin natin ang magpasaya," ani Karla.

Pagkatapos ng digital concert ay aabangan naman ng mga tagahanga nina Daniel at Kathryn ang kanilang proyekto sa Star Cinema na "The House Arrest of Us," isang romantic-family digital movie series na hinati sa 13 parts. 

Napapanahon ang kuwento ng bagong proyeto ng real-life couple na iikot sa dalawang tao na na-lockdown sa iisang bahay kasama ang kanilang mga pamilya. 

Makakasama ng sikat na tambalan ng Kapamilya network sa "The House Arrest of Us" ang mga bituin na sina Ruffa Gutierrez, Gardo Verzosa, Dennis Padilla, Arlene Muhlach, Herbert Bautista, at iba pa. 

Mapapanood ang "The House Arrest of Us" simula Oktubre 24 sa KTX, at Oktubre 25 sa iWant-TFC. 

Bisitahin ang Patrol.PH para sa iba pang mga balita.