Watch more in iWantv or TFC.tv

MANILA -- Sa papalapit na Metro Manila Film Festival, handa na si Coco Martin at co-stars na sina Vic Sotto at Maine Mendoza sa pelikulang "Jack Em Popoy" na nag-pictorial na kamakailan.

Kuwento ni Coco, magaan at positive vibes sila sa set habang binubuo ang pelikula.

"Wala kaming ginawa kundi tumawa ng tumawa sa set. Kapag action naman, tinotodo namin. Kasi sabi namin, pelikula ito; hanggat maari malagpasan natin ang ginagawa natin sa 'Ang Probinsyano,'" ani Coco.

Isa sa iniiwasan ni Coco ang pressure na kumita ng malaki sa box office. Ang priority niys ay makabuo ng magandang pelikula.

"Sabi ko nga kapag 'yan (box office) ang pinasok mo sa isip mo, masakit pa niyan baka ma dissapoint ka eh. Ang pinakamaganda ngayon is magtulungan na lang kung paano natin mapapasaya ang mga Filipino para wala ng isyu," paliwanag ni Coco.

At nagbigay patikim ang aktor sa mga dapat abangan sa "Jack Em Popoy."

"First time ko dito lahat eh. Sabi ko nga kung gagawa ako ng pelikula siyempre gusto ko makita ng tao 'yung 'di ko pa nagagawa sa TV kaya lahat, sing and dance, rap, basta lahat ang dami. Siyempre sabi nga namin itodo na natin," ani Coco.