PatrolPH

Regine Velasquez, bukas sa pagtulong sa mga baguhang mang-aawit

ABS-CBN News

Posted at Aug 25 2021 11:59 AM

MANILA -- Walang sawa ang pagsuporta ni Regine Velasquez sa mga baguhang mang-aawit.

Sa "Magandang Buhay" nitong Martes, Agosto 24, sinabi ni Velasquez na ito ang paraan niya para ibalik ang tulong na ibinigay sa kanya noong panahon na siya ay nagsisimula pa lamang sa industriya.

Watch more on iWantTFC

Pagbabalik-tanaw ni Velasquez, tinulungan at sinuportahan siya noon ng mga bigating mang-aawit tulad nina Martin Nievera, Gary Valenciano, Kuh Ledesma at Pops Fernandez.

"Kasi noong nag-uumpisa ako, marami ang tumulong sa akin, sina Gary, sina Martin, Pops, si Kuh, to name a few. Noong nag-uumpisa ako ramdam na ramdam ko ang suporta nung mga superstar na iniidolo ko. When it was my turn I made sure that I will support the new talents that we have now. It's my way of giving back," ani Velasquez.

"And bakit ka naman hihindi? Tingnan mo ang ganda ng kanta," dagdag ni Velasquez sa bagong awitin na "Ipinagpanata Kita" kasama si Davey Langit. 

"I'm singing it with this guy who is so incredibly talented and has a beautiful voice. Bakit ka naman hihindi? It's also an opportunity for me. ... Iba na ang audience ko. It's good to work with new artists, younger (artists) and really passionate artists. It's my pleasure. It's an honor for me to be part of this song," dagdag ni Velasquez.

Nito lamang nakaraang linggo, inilabas na ni Langit ang isinulat niyang "Ipinagpanata Kita" na inawit nila ni Velasquez.

Watch more on iWantTFC

Si Langit ay isa sa mga artist ATEAM, ang talent management na itinatag ng mister ni Velasquez na si Ogie Alcasid para makatulong sa iba pang mang-aawit.

Related video:

Watch more on iWantTFC
Bisitahin ang Patrol.PH para sa iba pang mga balita.