PatrolPH

Joshua Garcia, vlogger na rin sa YouTube

ABS-CBN News

Posted at Aug 25 2020 11:34 AM

MAYNILA -- Sumabak na rin ang aktor na si Joshua Garcia sa vlogging.

Nitong Lunes, Agosto 24, inilabas ni Joshua ang kanyang kauna-unahang vlog, tampok ang kanyang pakikipaglaro sa kanyang pamilya at ang kaarawan ng kanyang pamangkin.

Ipinakita rin ang pagbibigay ni Joshua ng sorpresa sa kanyang kapatid. Isang laptop na magagamit nito sa kanyang pag-aaral ang naging regalo ng aktor.

Watch more on iWantTFC

Ayon kay Joshua, magiging lingguhan ang paglalabas niya ng kanyang vlog.

Sa ngayon ay mayroon nang higit sa 17,000 subscribers si Joshua sa YouTube.

Bago ang lockdown noong Marso, bumida si Joshua sa seryeng "The Killer Bride" kung saan nakasama niya sina Janella Salvador at Maja Salvador.

Kamakailan lang ay inilabas na rin ang short film na "Love Unlock: E-numan" kung saan muli niyang nakasama ang dating nobyang si Julia Barretto.

Bisitahin ang Patrol.PH para sa iba pang mga balita.