PatrolPH

Ano ang payo ni Angel Locsin kay Jane de Leon bilang Darna?

Josiah Antonio, ABS-CBN News

Posted at May 19 2022 06:26 PM | Updated as of May 19 2022 06:29 PM

Screenshot mula sa Leni Robredo YouTube channel
Screenshot mula sa Leni Robredo YouTube channel

MAYNILA — Binunyag ni Jane de Leon nitong Huwebes ang payo ng dating "Darna" actress na si Angel Locsin sa pagtahak ng naturang role. 

Sa isang ambush interview para sa kanyang endorsement sa Sante Barley, inamin ng aktres na pinakatumatak si Locsin sa kanya sa lahat ng nakakuha ng superhero title. 

"Lahat naman po, actually, tumatak po talaga, siyempre, Ms. Angel," ani de Leon. 

Bukod sa paghahanda sa role, payo rin ni Locsin na sabihin lang sa kanyang team na magpahinga kapag hindi na niya kaya. 

"May mga binigay naman siya sa ’king mga tips, siyempre kailangan ko talagang maging handa physically and ready dapat ako anytime," aniya. 

"Sabi niya sa ’kin kapag pagod ako, sabihin ko lang daw talaga na I need to take a rest." 

Kamakailan nagsama-sama sina Locsin, de Leon, at Iza Calzado na gaganap bilang "unang" Darna, bilang suporta kina Vice President Leni Robredo at Sen. Kiko Pangilinan. 

Sa pangunguna ng tanyag na direktor na si Chito S. Roño kasama si Avel Sunpongco, ang “Mars Ravelo’s Darna: The TV Series” ay nakatakdang ipalabas sa takdang panahon. 

Kasama rin sa adaptasyon ng ABS-CBN si Janella Salvador bilang kalaban ni Darna na si Valentina, Zaijian Jaranilla bilang kapatid ni Narda na si Ding, at Joshua Garcia bilang isang pulis na nagngangalang Brian.

Watch more News on iWantTFC
Bisitahin ang Patrol.PH para sa iba pang mga balita.