Tanggap ko legs ko: Kathryn sumagot sa mga pumupuna sa pagiging sakang niya

ABS-CBN News

Posted at May 17 2020 02:05 PM | Updated as of May 18 2020 06:53 PM

 
 
 
 
 
 
 
 
 
 
 
 
 
 
 

A post shared by Kathryn Bernardo 🐘 (@bernardokath) on

Iginiit ni Kathryn Bernardo na tanggap niya ang kaniyang pagiging sakang sa kabila ng paulit-ulit na paggamit nito ng kaniyang bashers sa social media laban sa kaniya. 

Sa inilabas na video ni Bernardo ngayong Linggo sa kaniyang YouTube page, sinagot ng 24-anyos na aktres ang mga “mean comment” o masamang komento ng mga netizen tungkol sa kaniya, kasama na ang pagpuna sa kaniyang pagiging sakang.

Watch more in iWant or TFC.tv

Inamin ni Bernardo na ang mga komento tungkol sa pagkasakang niya ang isa sa mga dahilan kung bakit inalis din niya ang comments section sa kaniyang Instagram page, pero kalaunan ay natutunan na niyang tanggapin ang panlalait ng mga tao.

Watch more in iWant or TFC.tv

“Bakit ko inalis ‘yong comments section sa Instagram? Kasi feel ko grabe ‘yong negative energy, ang daming time talaga ng bashers, but ngayon talaga hindi na ako nabo-bother,” ani Bernardo.

“Over the years, natutunan kong tanggapin ‘yong legs ko... wala eh parte siya ng pagkatao and before, sobrang insecurity ko ito,” dagdag niya.

 
 
 
 
 
 
 
 
 
 
 
 
 
 
 

A post shared by Kathryn Bernardo 🐘 (@bernardokath) on

Ayon kay Bernardo, tinulungan siya ng nobyo at on-screen partner na si Daniel Padilla para madaig ang insecurity sa pagiging sakang.

“Na-realize ko lahat tayo imperfections so siguro nagkataon sa'kin binigay ni God 'yong legs ko,” ani Bernardo.

“Hindi naman ako makukulong sa pagkasakang ko. So I love my legs and si DJ (Daniel) love din legs ko,” aniya.

Bisitahin ang Patrol.PH para sa iba pang mga balita.