Naglagablab sina Zanjoe Marudo at Janine Gutierrez sa kanilang unang kissing scene sa "Dirty Linen" nitong Abril 4, 2023. ABS-CBN
Naglagablab sina Zanjoe Marudo at Janine Gutierrez sa kanilang unang kissing scene sa "Dirty Linen" nitong Martes.
Hindi mapakali sa pagdating ng kanyang ex-girlfriend na si Sophie (Elisse Joson), tinawag ni Aidan (Marudo) si Mila (Gutierrez) para pakalmahin ang sarili.
Pilit nilalayo ni Mila ang sarili pero inamin ni Aidan na nahihirapan siya sa sitwasyon bilang nahuli niyang nakikiapid si Sophie sa kanyang bestfriend.
Hindi napigilan ni Aidan ang kanyang emosyon at hinalikan si Mila pero nahuli sila ni Sophie.
Sa latest episode naman ng show, nilipat na ni Leona (Janice de Belen) si Mila sa pagbabantay kay Chiara (Francine Diaz) para matuloy na ang plano ni Sophie na makuha muli si Aidan.
Maliban sa Kapamilya Online Live, ang free livestreaming service ng ABS-CBN, mapapanood ang "Dirty Linen" weeknights sa Kapamilya Channel, TV5, A2Z, iWantTFC, at TFC.
RELATED VIDEO:
Bisitahin ang
Patrol.PH para sa iba pang mga balita.