Angel Locsin, nagtungo sa Marawi City para ikampanya si Leni Robredo

ABS-CBN News

Posted at Apr 01 2022 03:33 PM

Nagtungo ang aktres na si Angel Locsin sa Marawi City para maging bahagi sa campaign rally ni Bise Presidente Leni Robredo na tumatakbo bilang pangulo sa darating na halalan sa Mayo.

Sa Instagram nitong Biyernes ng umaga, unang ibinahagi ni Locsin ang retrato kung saan kita ang arko ng Marawi City.

Matapos ang ilang oras, ibinahagi naman ni Locsin ang mga retrato na kuha sa rally kung saan nakasama niya ang iba pang mga sumusuporta kay Robredo. 

"Priority kayo. Happy Ramadan and Eid Mubarak," ani Locsin sa caption.

Matatandaang 2017 ay nagtungo si Locsin sa Marawi para magbigay tulong sa mga naapektuhan nang nangyaring kaguluhan doon.

Isa si Locsin sa mga aktibong tagasuporta ni Robredo at running mate nito na si Sen. Francis "Kiko" Pangilinan na tumatakbo naman bilang bise presidente.

Iginiit na dati ng aktres ang halaga nang masusing pagpili ang nararapat na lider ng bansa para sa susunod na anim na taon.

“Kaya kung napasaya ko man kayo kahit paano, o kahit para sa sarili n'yo na lang, please lang, VOTE RIGHTLY! Pag-isipan rin kung sino ang susuportahan,” ani Locsin.