Humakot ng parangal ang ABS-CBN sa ikalimang Paragala Awards ng Holy Angel University sa Pampanga.

Nasa 12 parangal ang nahakot ng ilang Kapamilya media personalities at celebrities tulad ni DZMM anchor doris bigornia na itinanghal bilang Best Female Field Reporter, DZMM anchor Karen Davila bilang Best Female News Anchor.

Iginawad naman ang Hall of Fame Award kay Vice Ganda, Best Noontime Host si Vhong Navarro at Anne Curtis habang Best Noontime Show naman ang "Its Showtime."

Nakuha naman ng "ASAP" ang award para sa Best Musical Variety Show, "FPJ's Ang Probinsyano" para sa Best Teleserye, Best Television Actors Bea Alonzo at Coco Martin habang Best Female Recording Artist naman si Yeng Constatino.

Nakuha rin ng ABS-CBN ang Best National TV Station Award ngayong taon. Ang Paragala ang pinakamalaking student based media awards sa Central Luzon.