Bumisita ngayong Linggo ang cast ng 'Huwag Kang Mangamba' sa 'ASAP Natin 'To,' kung saan kinanta ni Angeline Quinto ang theme song ng upcoming Kapamilya series. Screengrab
Tampok sa "ASAP Natin 'To" ngayong Linggo ang cast ng upcoming Kapamilya series na "Huwag Kang Mangamba."
Ang inspirational series ay hango sa kanta ng worship musical group na Bukas Palad Music Ministry, na likha naman ni Fr. Manoling Francisco.
Sa pag-awit ni Angeline Quinto ng kanta, sinamahan siya sa "ASAP" stage ng mga bida ng teleserye na sina Francine Diaz, Andrea Brillantes, Kyle Echarri at Seth Fedelin, o mas kilala bilang The Gold Squad.
Ang "Huwag Kang Mangamba" ay isang Dreamscape Entertainment production na pagbibidahan din nina Quinto, Eula Valdes, Sylvia Sanchez, Mylene Dizon, Diether Ocampo, Enchong Dee, Nonie Buencamino, Matet de Leon, Dominic Ochoa, at RK Bagatsing.
Ang naturang serye ang pinakabagong inspirational series ng ABS-CBN, gaya ng "May Bukas Pa," "100 Days," at "Starla."
Bisitahin ang
Patrol.PH para sa iba pang mga balita.
PatrolPH, Tagalog news, Huwag Kang Mangamba, Gold Squad, Angeline Quinto, Francine Diaz, Andrea Brillantes, Kyle Echarri, Seth Fedelin, Dreamscape Entertainment