Patama kay Xi Jinping? US top diplomat tumangging may malisya sa retrato ng aso

ABS-CBN News

Posted at Jul 16 2020 02:05 PM

 
 
 
 
 
 
 
 
 
 
 
 
 
 
 

A post shared by Mike Pompeo (@mikepompeo86) on

Ilang beses mang binatikos ng US top diplomat na si Mike Pompeo ang mga polisiya sa China, pinabulaanan niyang parte rito ang kaniyang aso. 

Marami ang nabulaga sa social media nang magpost ng retrato si Pompeo ng kaniyang aso na handa nang kagatin ang isang stuffed toy ni Winnie The Pooh - na karaniwang ginagamit na meme para ihantulad kay Chinese president Xi Jinping. 

"Mercer and all of her favorite toys!" ani Pompeo sa kaniyang personal Instagram account.

Karaniwang ginagamit ng mga Chinese social media user ang larawan ni Winnie the Pooh para ihalintulad kay Xi Jinping, bagay na ngayon nang ipinagbabawal umano ng gobyerno ng Tsina. 

Nang tanungin tungkol dito sa isang radio interview, pinabulaanan ni Pompeo na may kinalaman ito kay Xi Jinping. 

"No, I imagine there were a series of stuffed animals, and they were equally distributed for Mercer's benefit," ani Pompeo. 

At nang sabihan na ginawan ito ng storya kung saan sinasabi na tila mukhang may ipinaparating si Pompeo, natawa lang si Pompeo. 

"I hadn't seen that."

Nagsimula ang mga paghahalintulad kay Xi Jinping sa character nang lumantad ang mga retrato niya kasama ang dating US President na si Barack Obama - na inihalintulad naman sa kaibigan ni Pooh na si Tigger. 

Magmula noon, sinubukan ng Tsina na tanggalin ang mga meme na may kinalaman dito. 

Sa katunayan, ipinabawal din sa Beijing ang pagpapalabas ng Disney film na "Christopher Robin," na hango sa Winnie the Pooh. 

Ilang beses na ring binatikos ni Pompeo ang ilang polisiya ng Tsina sa umano'y pagpigil nito sa malayang pamamahayag, ang pagsupil sa Hong Kong, at ang aniya'y pagkapalpak nito sa pagpigil sa coronavirus pandemic. 

-- Isinalin mula sa ulat ng Agence France-Presse

Bisitahin ang Patrol.PH para sa iba pang mga balita.