Dagdag-presyo sa mga produktong petrolyo sasalubong sa bagong taon

ABS-CBN News

Posted at Dec 28 2019 03:13 PM

    
MAYNILA — Bisperas pa lang ng bagong taon, sabay-sabay na taas-presyo sa mga produktong petrolyo ang agad na sasalubong sa mga konsumer. 

Sa Martes, Disyembre 31, madaragdagan ang singil sa kada litro ng gasolina, diesel, at kerosene. 

Inaasahang dagdag-presyo sa petrolyo:

  • Gasolina → P0.80-P0.95/litro
  • Diesel → P0.40-P0.50/litro
  • Kerosene→ P0.30-P0.40/litro

Samantala, malaki-laki ang nakaambang taas-presyo sa LPG na magsisimula sa Enero 1. 

Tinatayang P7 hanggang P8 ang imamahal ng kada kilo ng LPG o dagdag na P77 hanggang P88 sa karaniwang 11-kilong tangke.

LPG price hike

  •  P7-P8/kilo o P77-P88 kada tangke

Ayon sa Department of Energy, hindi pa ito ang dagdag-singil ng excise tax dahil kailangang ubusin pa ang lumang stock ng langis.

Pero kapag epektibo na ito, narito ang magiging dagdag sa presyo sa mga produktong petrolyo batay sa batas:

  • Diesel → P1.68/litro
  • Gasolina → P1.12/litro
  • Kerosene → P1.12/litro
  • LPG → P1.12/kilo
  • Auto-LPG → P1.68/litro

Dahil dito, nagsimula nang humirit ang mga grupo ng jeepney drivers ng dagdag singil sa pasahe. 

Bisitahin ang Patrol.PH para sa iba pang mga balita.