ALAMIN: 'Dagdag-bawas' sa presyo ng petrolyo simula Oktubre 3

Magkakaroon ng pagtaas sa presyo ng diesel, at bawas sa presyo ng gasolina at kerosene simula Martes, Oktubre 3.

Ayon sa abiso ng mga kompanya ng langis, narito ang halaga ng ipatutupad nilang price adjustment:

Caltex (Alas-12:01 ng hatinggabi) 
GASOLINA -P2/L
DIESEL +P0.40/L
KEROSENE -P0.50/L

Cleanfuel (Alas-12:01 ng hatinggabi) 
GASOLINA -P2/L
DIESEL +P0.40/L

Shell, Seaoil (Alas-6 ng umaga)
GASOLINA -P2/L
DIESEL +P0.40/L
KEROSENE -P0.50/L

Petro Gazz, PTT Philippines, Jetti Petroleum, Phoenix Petroleum (Alas-6 ng umaga)
GASOLINA -P2/L
DIESEL +P0.40/L

Ayon kay Rodela Romero, assistant director sa Department of Energy, lumutang ulit ang takot sa global recession kaya bumaba ang presyo ng gasolina.

Pero wala pa rin aniyang kasiguruhan ang magiging takbo ng presyo ng imported na langis sa mga susunod na linggo.

Samantala, sa ikatlong sumunod na buwan, tumaas ulit ang presyo ng liquefied petroleum gas (LPG) dahil sa pagsipa ng contract price sa world market.

Karamiha'y nasa higit P900 kada regular na tangke ang retail price ng LPG pero may ilang brands ang nasa higit P1,000 na ang 11-kilogram cylinder.

• Higit P3 dagdag-singil sa LPG umarangkada na

Umaabot na sa halos P15 kada kilo o lagpas P160 kada tangke ang kabuuang dagdag-presyo sa LPG simula Agosto.

—Ulat ni Alvin Elchico, ABS-CBN News