Mga produktong petrolyo may bawas-presyo

MAYNILA — Ilang gasolinahan na ang nagpatupad ng kanilang tapyas sa presyo ng mga produktong petrolyo simula Sabado.

Una na naman ang Phoenix!

PRICE ADVISORY: Phoenix Petroleum Philippines will DECREASE the prices of GASOLINE by P0.50 per liter and DIESEL by P0.10 per liter effective 6am of 07 September 2019. Thank you.

— alvin elchico (@alvinelchico) September 6, 2019

Buena mano dito ang Phoenix Petroleum na nag-rollback na simula alas-6 ng umaga Sabado.

ROLLBACK NG PHOENIX PETROLEUM

•  Gasolina → P0.50/litro
•  Diesel → P0.10/litro

Ang Clean Fuel naman, alas-4 ng hapon sa Linggo aarangkada ang bawas-singil sa mga produkto.

ROLLBACK NG CLEAN FUEL

•  Gasolina → P0.50/litro
•  Diesel → P0.10/litro

Alas-6 ng umaga naman sa Martes mararamdaman ang tapyas-presyo ng Petro Gazz.

 ROLLBACK NG PETRO GAZZ

• Gasolina → P0.50/litro
•  Diesel → P0.10/litro

Batay sa ilang oil players, ang dahilan ng pagbagsak ng presyo ng imported na petrolyo ay nag-uugat pa rin sa trade war ng China at US.

Sa pananaw ng mga eksperto, hangga't di napaplantsa ang sigalot sa kalakalan ng 2 bansa, hindi rin sisipa nang husto ang demand sa langis.

—Ulat ni Alvin Elchico, ABS-CBN News