PatrolPH

Singil sa kuryente tatapyasan ngayong Agosto

ABS-CBN News

Posted at Aug 08 2022 01:50 PM | Updated as of Aug 08 2022 08:22 PM

Watch more News on iWantTFC

(UPDATE) Bababa ang singil sa kuryente sa paparating na August billing, sabi ngayong Lunes ng Meralco.

Nasa P0.21 kada kilowatt hour (kwh) ang tapyas bunsod ng malaking bawas sa generation at distribution charges, paliwanag ng power distributor.

Katumbas umano ito ng P42 bawas-presyo sa mga kumokonsumo ng 200 kwh, P63 sa konsumong 300 kwh, P83 sa konsumong 400 kwh, at P104 sa konsumong 500 kwh.

Hindi pa matiyak ng Meralco kung magtutuloy-tuloy ang mababang presyo ng kuryente sa mga susunod na buwan.

"Magandang balita yung ngayon pero sa susunod na buwan will ba another story, depende sa factors that will come into play," ani Meralco Spokesperson Joe Zaldarriaga.

Nagbabala rin ang Meralco na magkakaproblema ang supply at presyo ng kuryente kapag hindi pinagbigyan ang hirit na dagdag-singil ng mga planta ng San Miguel Corp. dahil sa pagsirit ng presyo ng panggatong na coal.

Ang gusto ng San Miguel na sinususugan ng Meralco ay dagdag na P0.28 kada kwh sa loob ng 6 na buwan.

— Ulat ni Alvin Elchico, ABS-CBN News

Bisitahin ang Patrol.PH para sa iba pang mga balita.