Presyo ng LPG tataas sa pagpasok ng Hulyo

MAYNILA (UPDATE) — Magkakaroon umano ng malakihang pagtaas sa presyo ng liquefied petroleum gas sa Huwebes, unang araw ng Hulyo.

Ayon sa Petron, simula alas-12:01 ng hatinggabi, P5.20 ang kanilang taas-presyo sa kada kilo ng LPG habang P2.90 naman sa kada litro ng auto LPG.

Ayon naman sa Solane, simula alas-6 ng umaga, tataasan nila nang P5.19 ang presyo ng kada kilo ng LPG.

Nauna nang ipinaliwanag ng mga taga-industriya na nag-iimbak ng supply ng langis ang China at United States para sa taglamig kaya sumirit ang presyo nito.

• PUV drivers umaangal sa patuloy na taas-presyo ng petrolyo

— Ulat ni Alvin Elchico, ABS-CBN News

RELATED VIDEO