PatrolPH

Meralco may taas-presyo sa June billing

ABS-CBN News

Posted at Jun 10 2022 03:48 PM | Updated as of Jun 10 2022 07:39 PM

Pag-aayos ng isang power line ng Meralco sa Quezon City noong Abril 5, sa gitna ng pag-ulan. Mark Demayo, ABS-CBN News/File
Pag-aayos ng isang power line ng Meralco sa Quezon City noong Abril 5, sa gitna ng pag-ulan. Mark Demayo, ABS-CBN News/File

MAYNILA (UPDATE) - Tataas nang halos P0.40 per kilowatt hour (kwh) ang billing sa buwan ng Hunyo, anunsiyo ng Manila Electric Company (Meralco) nitong Biyernes. 

Ayon sa Meralco, bunsod ito ng pagtaas ng presyo ng kuryente galing sa mga supplier. 

Marami kasing planta ng kuryente ang gumagamit ng fuel gaya ng coal o natural gas na nakaangkla sa presyo ng world market kaya habang tumataas ang presyo, may epekto rin ito sa singilan ng kuryente. 

"The generation charge increased by P0.33 per kwh, taxes eventually followed suit which normally follows any adjustments in the generation costs," ani Meralco spokesperson Joe Zaldarriaga. 

Katumbas ito ng P80 dagdag-singil sa mga kumokonsumo ng 200 kwh, P119 para sa 300 kwh na konsumo, P159 para sa 400 kwh na konsumo, at P199 para sa mga kabahayang kumokonsumo ng 500 kwh. 

Noong Mayo ay nagkaroon ng bawas-presyo sa billing ng power distributor. 

Sinagot din ni Zaldarriaga kung may posibilidad pang bumaba ang presyo ng bill bago matapos ang administrasyon.

"Once we have more capacity, once there are more suppliers, then there is less pressure for prices to go up ang tendency is pag maraming supply mas mababa presyo pag kulang, tataas," aniya. 

— May ulat ni Alvin Elchico, ABS-CBN News

Bisitahin ang Patrol.PH para sa iba pang mga balita.