Presyo ng petrolyo, may dagdag at bawas sa susunod na linggo

MAYNILA--May dagdag at bawas sa presyo ng produktong petrolyo sa Martes, batay sa tantiya ng mga taga-industriya. 

May dagdag-bawas sa presyo ng petrolyo next week.
Eto estimates:

DIESEL P0.20-P0.30/L ⬆️
GASOLINA P0.20-P30/L⬇️
KEROSENE P0.80-P0.90/L⬆️

Pero mukhang next week din ipapataw ang DAGDAG PRESYO dahil sa addt'l. tax sa imported fuel products na maglalaro naman sa
P1.00-P1.50/L ⬆️ pic.twitter.com/wy13GU6Jg9

— alvin elchico (@alvinelchico) May 30, 2020

Sa diesel, maglalaro ito nang P0.20 hanggang P0.30 kada litro. 

Ang gasolina lang ang may rollback na P0.20 hanggang P0.30 kada litro. 

Umabot na sa P5 ang dagdag sa presyo ng gasolina, P4.55 sa presyo ng diesel, at P6.25 sa kerosene ang naging dagdag-singil sa langis sa mga nakalipas na 3 linggo. 

Ayon naman sa mga taga-industriya, posibleng wala ring galaw sa presyo ng LPG pagdating ng Hunyo dahil bahagya lang ang ibinagsak sa contract price ng LPG sa world market. 

— Ulat ni Alvin Elchico, ABS-CBN News