PatrolPH

Petron may bawas-presyo sa LPG sa pagpasok ng Abril

ABS-CBN News

Posted at Mar 31 2021 02:25 PM

MAYNILA – Nag-abiso ang Petron na magpapatupad ito ng rollback sa presyo ng liquefied petroleum gas (LPG) sa unang araw ng Abril.

Ayon sa Petron, P3.30 ang ipatutupad nilang bawas sa presyo ng kada kilo ng LPG epektibo alas-12:01 ng hatinggabi.

Tatapyasan din ng Petron nang P1.85 ang presyo ng kada litro ng kanilang auto LPG.

Sinasalamin umano nito ang international contract price ng LPG para sa Abril.

-- Ulat ni Alvin Elchico, ABS-CBN News

Bisitahin ang Patrol.PH para sa iba pang mga balita.