PatrolPH

Singil sa kuryente may tapyas ulit sa Marso: Meralco

ABS-CBN News

Posted at Mar 09 2021 01:53 PM | Updated as of Mar 09 2021 07:32 PM

Singil sa kuryente may tapyas ulit sa Marso: Meralco 1
Electric meters sa Barangay Addition Hills, Mandaluyong City. George Calvelo, ABS-CBN News/File

MAYNILA (UPDATE) — Sa ikalawang sunod na buwan, may bawas-singil sa kuryente umano ang Meralco dahil sa magkahiwalay na refund na iniutos ng gobyerno.

Ayon sa Meralco, tatapyasan ng P0.36 kada kilowatt hour (kWh) ang singil sa March bill.

Katumbas umano ito ng P72 bawas-singil para sa mga kabahayang kumokonsumo ng 200 kWh, P108 bawas sa may konsumong 300 kWh, P144 bawas sa may konsumong 400 kWh, at P180 sa may konsumong 500 kWh.

Dalawang refund kasi umano ang kasali sa kuwenta ng power rate sa Marso: ang P0.27 na balik-bayad dahil sa sobrang nasingil na distribution charge at P0.11 refund na konektado naman sa ibang charges.

Watch more on iWantTFC

Samantala, wala namang nakikitang problema ang Meralco sa supply ng kuryente sa tag-init.

Tiniyak din ng kompanyang walang brownout sa mga lugar na pinag-iimbakan ng COVID-19 vaccines.

Kailangan kasing mapanatili ang refrigiration ng mga bakuna, na inaasahang ituturok sa mas maraming Pilipino sa kasagsagan ng tag-init.

— Ulat ni Alvin Elchico, ABS-CBN News

RELATED VIDEO:

Watch more on iWantTFC
 
Bisitahin ang Patrol.PH para sa iba pang mga balita.