Mga nagtitinda ng karneng baboy sa Quinta market, hirap makasunod sa price ceiling

Anjo Bagaoisan, ABS-CBN News

Posted at Mar 04 2021 12:31 PM

MAYNILA - Nahihirapan ang mga nagtitinda ng baboy sa Quinta Market sa Maynila na makasunod sa price ceiling ng gobyerno para sa karne.

Muling nagtaas ng P10 ngayong Huwebes ang tinda ng baboy—P320/kilo para sa laman at P300/kilo para sa liempo.

Noong nakaraang linggo, nasa P300 lang ang baboy. Pero kuwento ng nagtitinda, araw-araw tumataas ang presyo ng binibigay ng kanilang dealer.

Dasal nila sana hindi na magtaas ulit kinabukasan ang presyo ng baboy dahil nahihirapan din silang magbenta.

Samantala, nagmura nang P10 ang presyo ng isang kilo ng manok, habang hindi naman gumalaw ang presyo ng baka.

PRESYO NG KARNE:

BABOY
P320/kilo (laman) mula 310/kilo
P330/kilo (liempo) mula 320/kilo

MANOK
P180/kilo mula P190/kilo

BAKA
P420-425/kilo

Mas mababa naman sa nakitang P280/kilo na tinda ng sariwang galunggong sa ibang palengke sa Metro Manila ang presyo nito sa Quinta Market.

Nasa P220/kilo ang sariwang galunggong habang P200/kilo ang frozen imported na galunggong.

Nagmahal naman sa P160/kilo ang frozen na galunggong.

Ayon sa nagtitinda ng isda, mas mababa ang presyong ito kumpara noong mga nakaraang buwan lalo na noong Disyembre.

Itong Marso ay fishing season na rin kaya hindi sila kinakabahan na tataas pa ang presyo. 

Hindi naman malaki ang itinaas ng presyo ng ibang mga isda at lamang-dagat.

Pero kuwento ng ibang nagtitinda ng isda, pabago-bago ang presyo nito—bumababa o tumataas depende sa kanilang nakukuha sa supplier.

Kaya kapag tatanungin ang kanilang mga suki, mataas pa rin ito. Hirap nga lang sila tumawad pa dahil lugi na rin sila.

PRESYO NG BILIHIN:

ISDA:

GALUNGGONG 
P220/kilo - sariwa
P200/kilo - frozen

TILAPIA
P120/kilo

BANGUS
P130/kilo (maliit)
P180-200/kilo (dagupan)

HIPON
P400-450/kilo

PUSIT
P180/kilo

TAHONG
P100/kilo

Nagmura naman kumpara sa mga nakaraang buwan ang presyo ng mga gulay. 

Pinakamahal na ang P100/kilo na bentahan ng broccoli, cauliflower, at kalamansi.

Nasa P70/kilo ang ilang gulay tulad ng talong, ampalaya at patatas.

Habang balik sa P10 kada tali ang presyo ng mga dahong gulay, sitaw, at okra.

GULAY:

SAYOTE
P25-30/kilo

REPOLYO 
P60/kilo

BAGUIO PECHAY
P60/kilo

CARROTS
P80/kilo

BAGUIO BEANS
P70/kilo

BROCCOLI 
P100/kilo

Cauliflower
P100/kilo

TALONG 
P70/kilo

AMPALAYA
P70/kilo

PATATAS
P70/kilo

KAMATIS
P50/kilo

CALAMANSI
P100/kilo (malaki)

SIBUYAS
P120/kilo (pula)
P80/kilo (puti) 

BAWANG 
P100/kilo

KALABASA
P50-70/kg

SITAW
P10/tali

DAHONG GULAY
P10/tali

OKRA
P10/tali

RELATED VIDEO:

Watch more in iWantTFC