Singil sa kuryente ng Meralco bababa ngayong Pebrero

MAYNILA — Magkakaroon ng bawas sa singil ng kuryente ang Meralco sa paparating na bill sa Pebrero, sabi ng kompanya.

JUST IN!

Singil sa kuryente ng MERALCO, bababa ng P0.59/kwh sa paparating na February bill. Dahil ito sa mas mababang halaga ng kinontratang kuryente at bentahan sa spot market.
Singil sa February, mas mababa pa kesa January 2020 rate. pic.twitter.com/ojkkKY43Or

— alvin elchico (@alvinelchico) February 6, 2020

Nasa P0.59 kada kilowatt hour (kWh) ang bawas sa February bill ng Meralco bunsod umano ng mas mababang halaga ng kinontratang kuryente at bentahan sa sport market.

Katumbas ito ng P118 bawas sa mga kabahayang komukonsumo ng 200 kWh, P177 sa 300 kWh na konsumo, P236 sa 400 kWh na konsumo, at P295 sa 500 kWh na konsumo.

—Ulat ni Alvin Elchico, ABS-CBN News