ALAMIN: Rollback sa presyo ng petrolyo sa pagpasok ng Pebrero

Matapos ang apat na linggong magkakasunod na oil price hike, nagkaroon ng bahagyang rollback sa presyo ng petrolyo na sinimulan na ng ilang gasolinahan ngayong Sabado. 

Unang una sa ROLLBACK!!

PRICE ADVISORY: Phoenix Petroleum Philippines will DECREASE the prices of GASOLINE by P0.65 per liter and DIESEL by P0.35 per liter effective 6am of 02 February 2019. Thank you.

— alvin elchico (@alvinelchico) February 1, 2019

Umarangkada na nitong alas-6 ng umaga ang bawas-presyo ng Phoenix Petroleum na nagtapyas ng P0.65 sa kada litro ng gasolina at P0.35 sa diesel.
    
Batay sa kuwenta, maglalaro sa P0.60 hanggang P0.70 kada litro ang bawas sa presyo ng gasolina, P0.30 hanggang P0.40 sa diesel, at P0.10 hanggang P0.20 naman sa kerosene.

TINATAYANG ROLLBACK SA PETROLYO
•Gasolina → P0.60-P0.70/litro
•Diesel → P0.30-P0.40/litro
•Kerosene → P0.10-P0.20/litro

Inaasahang mag-aabiso na ng kanilang bawas-presyo ang iba pang gasolinahan sa mga susunod na araw. 

—Ulat ni Alvin Elchico, ABS-CBN News