Mga '15-30' pulis masisibak sa serbisyo: Albayalde

ABS-CBN News

Posted at Feb 13 2018 02:11 PM

Watch also in iWantv or TFC.tv

Tatanggalin sa tungkulin ang mga mahuhuling "15-30" na pulis na nagpapakita lamang para kumuha ng suweldo tuwing kinsenas, babala ng isang opisyal ngayong Martes. 

Ayon kay Director Oscar Albayalde, hepe ng Metro Manila police, pinaiimbestigahan na niya ang ilang reklamo laban sa mga nasabing pulis. 

"[Mahaharap sila sa] admin case, puwede pong ika-dismiss sa serbisyo iyan," sabi niya sa panayam ng DZMM. 

Dagdag ni Albayalde, mawawalan ng bonus ang sinumang kawani na masususpinde habang iniimbestigahan ang alegasyon ng pagpapabaya sa tungkulin. 

DZMM, 13 Pebrero 2018

Bisitahin ang Patrol.PH para sa iba pang mga balita.