2 rebelde, patay sa bakbakan sa Sarangani

ABS-CBN News

Posted at Dec 01 2017 10:35 AM

SARANGANI PROVINCE – Nalagasan ng dalawang kasapi ang New People’s Army (NPA) matapos na maka-enkuwentro ang tropa ng pamahalaan, Biyernes ng umaga sa bayan ng Alabel.

Ayon kay Col. Roberto Ancan, commander ng 102nd Infantry Brigade, hindi pa natutukoy ang pangalan ng dalawang rebeldeng NPA na nasawi sa sagupaan.

Nakabakbakan ng mga rebelde ang tropa ng 73rd Infantry Battalion sa Sitio Balataan, Barangay Pag-Asa, ala-6:30 ng umaga.

Limang armas rin ang narekober ng mga sundalo.

Binansagan na ngayon ng militar ang NPA bilang armed terrorists.

Bahagi na rin daw ito ng kanilang operasyon matapos na kanselahin ng pangulong Rodrigo Duterte ang usapang pangkapayapaan sa pagitan ng gobyerno at ng CPP-NPA-NDF.

Bisitahin ang Patrol.PH para sa iba pang mga balita.