Lalaki, patay sa pamamaril sa Tondo

Arra Perez, ABS-CBN News

Posted at Feb 22 2018 04:04 AM

Patay ang isang lalaki matapos pagbabarilin ng 3 lalaking naka-motorsiklo sa Wagas St., Tondo, Maynila Miyerkoles ng gabi.

Kinilala ng Manila Police District Station 2 ang biktima na si Johnroy Aguilar, 33-anyos.

Batay sa inisyal na imbestigasyon, naglalakad ang biktima habang naka-earphones nang pagbabarilin ng mga salarin alas-11:30 p.m.

Kuwento naman ng dati nitong kinakasama na si alyas Girlie, walang trabaho ang biktima.

Aminado si Girlie na gumagamit ng droga si Aguilar at sinabing isa ito sa maraming anggulong nakikita niya bilang motibo sa pamamaril.

Narekober sa crime scene ang 7 basyo ng bala ng hindi pa tukoy na kalibre ng baril.

Bisitahin ang Patrol.PH para sa iba pang mga balita.