15 bahay nasunog sa Bacolod; faulty wiring posibleng dahilan

Mark Gabriel Salanga, ABS-CBN News

Posted at Nov 05 2017 02:54 AM

Maaaring sa damaged electrical wire nagsimula ang sunog sa Barangay Mansilingan, lungsod ng Bacolod, ayon sa Bureau of Fire Protection.

Nasunog ang 15 bahay sa Barangay Mansilingan, lungsod ng Bacolod ngayong Sabado.

Labindalawang bahay ang idineklarang totally destroyed habang tatlo naman ang partially damaged, ayon sa Bureau of Fire Protection (BFP).

Lumabas sa imbestigasyon ng BFP na posibleng nagsimula sa damaged electrical wire ang sunog. 

Ayon sa mga opisyal ng barangay, wala umanong sariling kuntador ang mga residente kaya illegal tapping ang kanilang ginagawa.

Humigit kumulang P300,000 ang danyos ng sunog, ayon sa BFP.

Bisitahin ang Patrol.PH para sa iba pang mga balita.