Paghuli ng galunggong, bawal uli sa ilang bayan sa Palawan

ABS-CBN News

Posted at Nov 02 2017 04:47 PM

Ipinatigil simula ngayong Nobyembre ang pangingisda ng galunggong sa siyam na bayan sa Palawan. 

Batay kasi sa pag-aaral ng Philippine Statistics Authority at Bureau of Fisheries and Aquatic Resources (BFAR), patuloy ang pagbagsak ng produksiyon ng galunggong sa Palawan.

Dulot umano ito ng overfishing at unsustainable harvest o hindi tamang paraan ng panghuli.

Tatagal ang pagbabawal hanggang Enero.

Kabilang sa mga apektadong bayan:

  • Agutaya
  • Araceli
  • Busuanga
  • Coron
  • Culion
  • Cuyo
  • Dumaran
  • Linapacan
  • Magsaysay 

Ito na ang pangatlong taon na magpapatupad ng closed season sa Palawan. 

Batay sa pag-aaral ng BFAR at kuwento ng ilang mangingisda, epektibo umano ang mga ipinatupad na pagbabawal noong unang dalawang taon.

Sa datos ng BFAR, 92% ng galunggong na ibinababa sa Navotas Fish Port ay galing sa Palawan. 

Sa ngayon, mayroong inter-agency task force para patuloy na pag-aralan ang epekto ng pagkakaroon ng closed season sa galunggong.

-- Ulat ni Cherry Camacho, ABS-CBN News

Bisitahin ang Patrol.PH para sa iba pang mga balita.