Hepe ng EastMinCom, hinirang na bagong AFP chief of staff

ABS-CBN News

Posted at Oct 25 2017 08:10 PM

Itinalaga na ni Pangulong Rodrigo Duterte si Lieutenant General Rey Leonardo Guerrero bilang bagong chief of staff ng Armed Forces of the Philippines (AFP).

Si Guerrero ang hahalili sa magreretirong pinuno ng Sandatahang Lakas na si General Eduardo Año.

Kasalukuyang commanding general si Guerrero ng Eastern Mindanao Command na nakabase sa Davao City at miyembro ng Philippine Military Academy Class '84.

Dati ring Special Forces Officer si Guerrero at naitalaga sa Presidential Security Group noong panahon ni dating Pangulong Gloria Arroyo.

Sa Huwebes, Oktubre 26, idaraos ang turnover ceremony para sa bagong AFP chief of staff.
 

Bisitahin ang Patrol.PH para sa iba pang mga balita.