Bahagi ng Samar, Palawan, iba pang probinsya positibo sa red tide

Michael Delizo, ABS-CBN News

Posted at Oct 01 2017 12:18 AM

Positibo sa paralytic shellfish poison, o red tide, ang lahat ng uri ng shellfish sa pitong isla at coastal provinces, ayon sa Bureau of Fisheries and Aquatic Resources (BFAR).

Sa inilabas na bulletin ng BFAR, hindi ligtas kainin ang mga shellfish sa:

  • Irong-Irong Bay, Maqueda Bay, Villareal Bay at coastal waters sa Daram Island sa Western Samar
  • Matarinao Bay sa Eastern Samar
  • Carigara Bay sa Leyte
  • Tambobo Bay, Siaton sa Negros Oriental
  • Inner Malampaya Sound, Taytay at Puerto Princesa Bay, Puerto Princesa City sa Palawan
  • Coastal waters ng Gigantes Islands, Carles sa Iloilo
  • Coastal waters ng Milagros at Mandaon sa Masbate.

Maaaring makaranas ng lagnat, rashes, pagkahilo, pagkamanhid at respiratory arrest ang isang taong nakakain ng shellfish na apektado ng lason.