58 anyos, na-'chop-chop' umano ng 15 anyos

ABS-CBN News

Posted at Sep 20 2017 05:05 PM

Lucena Diaz, 58 anyos, 'chop-chop' victim

Pinagtataga ang mukha at katawan, at putol na ang dalawang kamay nang matagpuan ang 58 anyos na babae sa loob ng kaniyang bahay sa Brgy. Tungkalan, Toril sa Davao nitong Martes, Setyembre 19.

Tinukoy ang biktima na si Lucena Diaz. 

Nasa kustodiya na ng Toril Police ang 15 anyos na itinuturong suspek sa krimen.

Ayon kay Toril Police Station Commander Chief Inspector Ronald Lao, matagal nang nag-aaway ang biktima at suspek dahil isinusumbong ni Diaz ang pagnanakaw umano ng biktima ng manok. 

Hinihinalang ginamit ang itak sa pagpaslang at pag-chop-chop sa biktima

Narekober ng pulisya ang itak na sinasabing ginamit ng menor de edad sa krimen.

Sinabi naman ng amain ng suspek na tahimik lang ang bata at hindi nga umiimik kapag kinakausap. 

Ayon naman sa live-in partner ng biktima na si Alberto Rias, hindi niya alam na may alitan na pala ang dalawa. 

Nag-inuman pa aniya sila ng menor de edad bago ang krimen.

Pero desidido siya at ang pulis na kasuhan ang binatilyo ng murder.

Ayon sa pulisya, nanggaling mismo sa Department of Social Welfare and Development, na kahit menor de edad ang suspek, mayroon na siyang "discernment" o may sapat nang paninimbang at pag-iisip sa ginawang krimen.

-- Ulat ni Hernel Tocmo, ABS-CBN News
 

Bisitahin ang Patrol.PH para sa iba pang mga balita.